السلام عليكم
عزيزاتي نزلت طريقتي الي بقول لكم عنها على الانستغرام و هني بكثير من التفاصيل بتشوفونها
أولا :
طبعا الوجه عليه مكياج من ثمان ساعات ( كريم اساس بودرة ماسكارا و ظل عين )
ثانيا :
أحتاج أزيله لتتنفس البشرة <<< مسكينة هالبشرة تتكمم ثمان ساعات و نبيها تتنفس !!!
ثالثا :
محتاجة أنظفها بعمق .. و أشيل الماسكرا دون ما تطلع لي علامة الباندا :(
رابعا :
محتاجة أقشرها و أزيل الطبقة الميته ..
كل هالكلام دعاني و أجبرني أبتكر لي طريقة سهلة و فعالة و ما تتعب في ازاله المكياج ..
الآن
جيبي قفاز التنظيف مال البشرة تلاقينه من جهة مثل الفوطة و من الجهة الثانية مثل الاسفنجة الي سبق و ذكرتها مالت ازالة الأقنعة الناشفة تخبرونها ؟؟؟!!! الصور توضح أكثر
المهم أبلل القفاز ... و اعصره زين . و أحط عليه منظف المكياج
و ألزقه بوجهي و انتظر فترة لين يتحلل المكياج شوي ...
و أطبطب عليه و هو على وجهي ... و أحركه من مكان لمكان و انتظر شوي
و بعدين امسح وجهي تماما
اغسل القفاز و اعصره و أحط بيبي أويل
و أركز على بقايل الماسكرا نفس الشي أخليه شوي كم ثانية على بشرتي يتحلل المكياج المتبقي و بعدين أمسح و أكمل مسح لكل وجهي ..
في الأخير أغسل وجهي بالماي و أنشفه بالخفيف مو أضغط و أمسح لين يتشقق وجهي !!!
و أمسح بقطنة وجهي بالتونر حبيبي من أولا
و على فكرة بقول لكم سر
احب أسكب شوي من التونر في راحة يدي و أمسح وجهي به دون قطنة
أحب أحب أحب
و سلامتكم
في زر على اليسار في الصفحة تقدرون تنشرون هالتدوينه مع شكري لكم و محبتي
و لا تنسون تنظمون للمدونة لو عجبتكم مواضيعي
ليست هناك تعليقات:
إرسال تعليق